جـيت بيــاع الـورد أسأل عن ورد يليق بالذي أغليه
قلت يا زارع الورد عطني على ذوقك ورد أنت تنقاه
قال ودك من الورد أحمر أو أبيض أو قول ما تتمناه
قلت أبي ورد حساس يتكلم لا شافه يعرف غلاه
يعبر له عن وجدي يفهمه إني ما أعيش بلاه
يعبر له بألوان طيفه إن ما في القلب أحد سواه
ورد لا شافه يبتسم ويستنشق شذاه
ورد لا لامس خده الزهري يذبل خجل من محياه
شكل ألوانه على ذوقك لأن خلي تشكلت مزاياه
حط أبيض يليق على خده وأحمر يناسب لون الشفاه
ولا تنسى تحط لون أورنجي لأنه لون يحبه ويهواه
ولون يتناسب مع لبسه ولون يليق بلون حذاه
أبيك تغطيه بكل الورد وأعطيك أنا كل ما تتمناه
قال حيلك بالله وقف ما أظن بشر يستاهل ما ذكرناه
ما قد سمعت بوصف مثله ولا وصفكم بالعين شفناه
لا تبالغ فيه خلك طبيعي تكفيه ورده تحطها بيمناه
كل الناس يجون عندي وما حد طلب مثل الذي تبغاه
الورد قليل أو كثير يرضي مهما يكون حسن الذي تهواه
قلت هذي صورته ناظر شافها استعان بالله وسماه
وقال أعذرني ياصاحبي آسف ماأظن كل الورد ينفع معاه
مايكفيه الورد الذي عندي ولا الورد اللي مازرعناه